Turmush — Абыкаев Шабдан Алмасбекович Ош облусунун Өзгөн райондук мамлекеттик администрациясынын башчысы — аким болуп дайындалган. Тиешелүү буйрукка президент Садыр Жапаров кол койгон.
Буга чейин Turmush Ш.Абыкаев 30-май күнү райондук администрациясынын жамаатына тааныштырылганын жазган.
- Райондун буга чейинки акими Мурат Раматов президеттин буйругунун негизинде кызматынан бошотулган.
Шабдан Абыкаев буга чейин Чүй районунун акиминин биринчи орун басары болуп иштеген. Ал 1980-жылы Чүй облусунда туулган. Үй-бүлөлүү, балдары бар.
Эки жогорку окуу жайда билим алып, аскерде кызмат өтөгөн.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
