Бөлүмдөр
Жума, 17-январь
Ош облусуӨзгөн району 07.01.2020 19:00 На русском

Өзгөндө баңгизат сатып жүргөн «Дудай» каймана аттуу адам кармалды. Сүрөт

Turmush -  Өзгөн районунда баңгизат сатууга шектелген адам кармалды. Бул тууралуу Ош ШИИБ билдирди.

Ош ШИИБ жана ИИМдин Баңгизаттарды мыйзамсыз жүгүртүүгө каршы күрөшүү кызматынын кызматкерлери Өзгөн районунун Ак-Жар айыл өкмөтүнүн Болшевик айылынын 61 жаштагы тургуну, «Дудай» каймана аты бар Х.Х.ны кармашты.

Ички иштер органдарынын кызматкерлери ыкчам маалыматтын негизинде Өзгөн районунун Болшевик айылынын 1958-жылы туулган тургунунун үйүндө тинтүү иштерин жүргүзүшкөн. Маалыматка караганда, үйдүн ээси баңгизаттарды сатуу менен алектенип жүргөн.

Күбөлөрдүн катышуусунда жүргүзүлгөн тинтүү учурунда Х.Х.нын үйүнөн болжолдуу салмагы 4 кг болгон, өзгөчө жыты бар (болжол менен гашиш) зат жана сайлуу револьвер (ок атуучу курал) табылды. Аталган факт Кылмыштардын жана жоруктардын бирдиктүү реестрине катталып, иликтөө иштери башталды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×