Бөлүмдөр
Шаршемби, 18-сентябрь
Ош облусуӨзгөн району 03.09.2019 17:18

Өзгөндө 2 мектеп, 1 спорт зал пайдаланууга берилди (сүрөт)

Turmush -  Өзгөн районунда 2 мектеп, 1 спорт зал пайдаланууга берилди. Бул тууралуу Өзгөн райондук мамлекеттик администрациясынан билдиришти.

Кечээ, 2-сентябрь күнү Өзгөн районунун Кара-Таш айыл өкмөтүнө караштуу Элчибек айылында Ж.Малабаев атындагы орто мектептин жаңы курулган имаратынын ачылыш аземи болуп өттү. Ага каржы министри Бактыгүл Жээнбаева, өкмөттүн Ош облусундагы өкүлүнүн биринчи орун басары Байыш Юсупов, аким Бактыбек Алайчиев жана жергиликтүү тургундар катышты. Орто мектептин 100 орундуу жаңы курулган имараты республикалык бюджеттен каржыланган. Курулуш иштерине 17,5 млн сом сарпталган.

Ошондой эле Зергер айыл өкмөтүнө караштуу Аюу айылынын Ак-Коргон участкасында Б.Тешебаев атындагы мектеп да пайдаланууга берилди. Анын 150 орундуу имаратынын жана спорт залынын курулушу республикалык бюджеттен каржыланып, 63 млн сом жумшалган.

Мындан сырткары Төрт-Көл айыл өкмөтүнүн Ана-Кызыл айылындагы А.Өмүрзаков атындагы орто мектептин спорт залынын кызыл тасмасы кесилди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×