Бөлүмдөр
Дүйшөмбү, 26-август
Ош облусуӨзгөн району 12.02.2019 10:45 На русском

Өзгөндөгү жол кырсыктан айдоочу каза болуп, 4 адам ооруканага түштү (сүрөт)

Turmush -  Бишкек—Ош унаа жолунун 609-чакырымында, тактап айтканда Өзгөн районунун Прогресс айылындагы жол-транспорт кырсыгынан айдоочу каза болуп, 4 адам ооруканага түштү. Окуя 8-февралга караган түнү саат 00:50 чамасында болгонун Ош облусу боюнча жол кыймылынын коопсуздугун камсыздоо бөлүмүнөн тастыкташты.

Маалыматка караганда, Өзгөн районунун 1999-жылы туулган тургуну М.Т.нын башкаруусундагы «ВАЗ-2107» үлгүсүндөгү унаа «КамАЗ» унаасын артынан сүзүп токтогон. Жүк ташуучу унааны ушул эле райондун 1994-жылы туулган тургуну М.у Ж. башкарып бара жаткан. Кырсыктын кесепетинен жеңил унаанын айдоочусу аймактык ооруканага жеткирилгенден кийин каза болду.

Ал эми ошол эле унаанын жүргүнчүлөрү — Өзгөн районунун 1997-жылы туулган тургуну Т.С, 1999-жылы туулган А.у Б., 1999-жылы туулган А.у А., 1999-жылы туулган Б.М. денесинен жаракат алып, Өзгөн аймактык ооруканасына жеткирилген.

Аталган кырсык боюнча Өзгөн РИИБ тарабынан тиешелүү экспертизалар дайындалып, тергөө иштери жүрүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×