Бөлүмдөр
Дүйшөмбү, 26-август
Ош облусуӨзгөн району 13.01.2019 13:58 На русском

Өзгөндө эже-сиңди иске ууланып, бири каза болду

Turmush -  Ош облусундагы Өзгөн районунда эки аял киши истүү газга ууланды. Булактар аркылуу маалым болгондой, ооруканага 1981-жылы жана 1983-жылы туулган эже-сиңди жеткирилген.

Дарыгерлердин аракетине карабастан алардын кичүүсү каза болду. Ал эми улуусу ооруканада дарыланып жатат.

Кийинчерээк Өзгөн аймактык ооруканасынын башчысы Сатар Жусупов ооруканадагы бейтаптын абалы жакшы экенин билдирди. Анын айтымында, эже-сиңди ооруканага кечээ, 12-январда саат 16:30 чамасында жеткирилген. Алар Өзгөн районунун Көлдүк айыл өкмөтүнүн тургундары.

Ал эми Көлдүк айыл өкмөтүнүн башчысы Советбек Караевдин айтымында, эже-сиңди Өзгөн шаарындагы кафеде иштеп жүргөндө ууланган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×