Бөлүмдөр
Жекшемби, 19-август
Ош

Фото — Өзгөндө кырсыкка кабылып талкаланган унаалар премьер-министрдин кортежинде болгон эмес, - милиция

Turmush -  Кечээ, 7-майда премьер-министр Мухаммедкалый Абылгазиевди коштоп жүргөн кортеждеги 2 унаа — «Тойота Лэнд Крузер 200» жана «Лексус LX570» унаалары кырсыкка учурады. Бул тууралуу окуянын күбөлөрү кабарлашты.

Кырсыктан адам жабыркаган эмес. Окуя Өзгөн районунун аймагында болгону айтылууда.

Премьер-министр кечээ Жалал-Абад жана Ош облусуна иш сапары менен келген болчу.

Кырсык боюнча Ош ОИИБ эмне дейт?

Ал эми Ош ОИИБдин басма сөз кызматынын маалыматына караганда, Өзгөндөгү жол кырсыгына кабылган унаалар премьер-министр Мухаммедкалый Абылгазиевдин кортежинин курамында болгон эмес.

Кырсык саат 12:00 чамасында Өзгөн районунун Төрт-Көл аймагында катталган. Окуя болгон жерге Өзгөн РИИБдин ыкчам-тергөө тобу чыгып, жол кырсыгына себепчи болгон «ВАЗ-2106» үлгүсүндөгү унаанын айдоочусу — Өзгөн районунун 1967-жылы туулган жашоочусу премьер-министрдин кортежин өткөрүп жиберип, андан кийин унааны айдап жолго чыккан учурда алдыңкы дөңгөлөктүн шайманы чыгып кеткенин айткан. Анын унаасы жолго туурасынан туруп калгандыктан, башка «Лексус-570» үлгүсүндөгү унаа келип уруп алгандыгын билдирген. Жол кырсыгынан эч ким жабыр тарткан эмес. Унаалар материалдык чыгымга дуушар болгон. Бул окуянын катышуучулары бири-бирине доосу жок экенин айтышып, арыз жазуудан баш тартышкан.

Бул факты боюнча учурда техникалык экспертиза дайындалып, тийиштүү материалдар топтолуп, текшерүү иштери жүрүп жатат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 25521
Комментарии
Для добавления комментария необходимо быть нашим подписчиком
Көп окулду
×