Бөлүмдөр
Шейшемби, 18-декабрь
Ош облусуӨзгөн району 17.04.2018 21:23

Мырза-Аке айылындагы курулушу 6 жылга созулган бала бакча пайдаланууга берилди (фото)

Turmush -  Өзгөн районунун Мырза-Аке айылындагы 80 орундуу «Акмаанай» бала бакчасы пайдаланууга берилди. Имараттын курулушу 6 жылда бүткөнүн аталган бала бакчанын жетекчиси Гүлжан Кулбаева билдирди.

Анын айтымында, бала бакчаны курууга 5 млн сом жумшалган. «Таштанды төгүлүп турган жерди алып, бала бакча курдук. Бала бакчанын курулушу 6 жылга жылга созулду. Учурда 81 бала кабыл алынып, тарбияланууда», - деди ал.

Мырза-Аке айыл өкмөтүнүн башчысы Раимберди Курманкулов билдиргендей, айыл өкмөт боюнча жалпы 8 бала бакча бар. «Биздин айыл өкмөттө 7 бала бакча бар болчу. Жаңы ачылган бала бакча менен 8 болду. «Акмаанай» балдар бакчасы айылдын борборуна ачылды. Учурда 12 кызматкер эмгектенип, балдарды тарбиялап жатышат», - деди Р. Курманкулов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×