Бөлүмдөр
Дүйшөмбү, 24-сентябрь
Ош облусуӨзгөн району 08.01.2018 14:09 Жаңыланды: 08.01.2018 17:16 На русском

Фото - Бухгалтер С.Сыдыков уулдарынын сүннөт тоюндагы улак тартыштын байгесине 5 тай, торпок, 5 топоз жана алтын жасалга берди

Turmush -  Өзгөн районундагы Ийри-Суу айылынын тургуну Султан Сыдыков жаңы курган үйүнө жана уулдарына сүннөт той өткөрүп, улак тартыш уюштурду. Оюн талаасына белгилүү жана тажрыйбалуу улакчылар чыкты, деп билдирди С.Сыдыков аймактык кабарчыга.

Оюндун байгесине 5 тай, 5 торпок, 5 топоз, 5 даана алтын шакек, 5 кой, 2 төө жана жасалгалуу ат коюлган. С.Сыдыков өзү дагы көп жылдан бери ат үстүндө жүрөт.

«Мен балдарымдын тоюнда улак тартыш өткөрөм ниет кылдым эле. Быйыл ишке ашты. Ага белгилүү улакчылар — Жаныш, Байыш, Манас Ниязовдор, Жалал-Абаддан Кочон балбан, Кара-Көлдөн, Ноокаттан, Жалпак-Таштан белгилүү балбан жигиттер катышты. Жалпы миңге чукул улакчылар келишти», - деди ал.

Султан мырзанын 2 уулу, 1 кызы бар. Уулдарынын улуусу 10 жашта болсо, экинчиси 5 жашта. 42 жаштагы Султан Сыдыков бухгалтер кесибинин ээси.

Кечээ, 7-январда Ноокат районунун Кара-Таш айылында тоонун арасында уюштурулган улак тартыш оюну да өзгөчө өттү. Улак тартышка Өзбекстан жана Кыргызстандын облустарынын топтолгон улакчылар түштү, деп билдирди кабарчы.

Ал эми, аттардын саны миңге жетип, оюнга күбө болгон көрүүчүлөрдүн саны 5 миң адамдан ашкан.
Улак тартыштын байгесине акчалай белектер, 30 кой, 25 тай, 10 төө, 2 автоунаа жана баш байгеге атайын даярдалган алтын кур коюлуп, жыйынтыгында алтын курду Дурус аттуу улакчы тагынды. Ал эми, автоунаа Нуржигитке буйруду. Ошондой эле, башка катышуучулар акчалай жана кызыктыруучу сыйлыктарга ээ болушту.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×