Бөлүмдөр
Дүйшөмбү, 23-октябрь
68.58    80.93    1.19    KZT 0.2
Ош

Өзгөндүк 19 жаштагы Р.Саидислам уулу кикбоксинг боюнча Азия чемпиону болду (фото)

Turmush -  Өзгөн шаарынын тургуну Рахимжон Саидислам уулу 19 жашында кикбоксинг боюнча Азия чемпону болду.

Анын машыктыруучусу Абиджон Алимовдун айтымында, шакирти 12 жылдан бери кикбоксинг менен машыгат. Жаш өспүрүмдөр арасында Кыргызстандын 6 жолку чемпиону, чоңдор арасында 2 жолу чемпион болууга жетишти.

«Рахимжон мага келгенде кичинекей бала болчу. Жаш кезинде зирек болгондуктан бир мушташ ыкмасын үйрөтсөң дароо үйрөнүп алчу. Жаш өспүрүмдөр арасында Кыргызстандын 6 жолку чемпиону болуп, спорт чебери болгон. 17 жашында чоңдор арасында 51 кг салмакта өлкөнүн 2 жолку чемпону болуп, спорт чебери болду.

Мындан сырткары, чет өлкөлөрдө дагы ийгиликтерди жаратып жүрөт. 17 жашында Индиянын Пуна шаарында өткөн мелдешке катышып, 2-орунду багындырган. Россияда өткөн мелдештерге да катышып келет. Быйыл кикбоксинг боюнча Кыргызстандын курамасына кирип, Түркмөнстандын борбору Ашхабадда өткөн Азия чемпионатында 57 кг салмактагылар арасында 1-орунду ээлеп, эл аралык деңгээлдеги спорт чебери болду.

Сентябрь айында Түркмөнстанда өтүүчү Азия оюндарына даярданып жатат. Октябрь айында Бразилияда өтүүчү дүйнөлүк чемпионатка да жолдомо алган», - деди А.Алимов.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1177
Комментарии
Обсуждения закрыты
Көп окулду
Учурда окулуп жатат
×