Бөлүмдөр
Шаршемби, 23-май
Ош

Өзгөндүн Курбу–Таш айылындагы жер көчкү жылып, жалпы 27 үйдү басып калды (фото)

Turmush -  Өзгөн районунун Жалпак-Таш айыл өкмөтүндөгү Курбу–Таш айылында жалпы 27 үй жер көчкүнүн алдында калды. Бул тууралуу аталган айыл өкмөттүн башчысы Кутманбек Эралиев бүгүн, 4-майда билдирди.

Анын айтымында, жер көчкүнүн сүрүлүүсү токтой элек. Жергиликтүү тургундар коопсуз жайга жайгаштырылган.

«Жалпы 61 чатыр тигилди, электр жарыгы бар. Жалпак-Таш—Куршаб жолу жабык болгондуктан, айланма жол менен каттап жатышат. Учурда бейөкмөт уюмдар тарабынан жергиликтүү тургундар азык-түлүктөр менен камсыз болуп жатышат. Мындан сырткары айыл өкмөт тарабынан 15 кап ун берилген. Тамак-аштан кыйынчылык жаралган жок», - деди К.Эралиев.

Жалпак-Таш айыл аймагынын Курбу-Таш айылы менен Маркс айылынын ортосунда 30-апрелде жылып баштаган жер көчкү алгач 10 үйдү баскан. Көчкүнүн сүрүлүү процесси уланып, бүгүнкү күнгө карата 27 үй ылай алдында калды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1932
Көп окулду
×