Бөлүмдөр
Шаршемби, 23-май
Ош

Аюудагы жер көчкү: Ата-энеси менен көчкү алдында калган эже-сиңди Адина менен Мадинанын сүрөтү

Turmush -  Зергердин Аюу айылында көчкүнүн алдында калган 21 адамдын денесин издөө иштери улантылып жатат. Көчкүнүн алдынан табылган 2, 12 жана 20 жаштардагы кыздардын денеси жерге берилди.

Кечээ, 30-апрелде саат 14:15 чамасында көчкүнүн алдынан бир тууган кыздар — 2005-жылы туулган Адина Маманова менен 2015-жылы туулган Мадина Хабибиллаеванын денеси табылган. Аларды тайлары Жалал-Абад облусунун Түрк-Абад айылына жерге берүү үчүн алып кетишкен. Болжолдуу маалыматтар боюнча, бир тууган кыздар ата-энеси менен бирге көчкү алдында калышкан.

Куткаруучулар кечээ саат 17:40 чамасында 1997-жылы туулган Гүлайым Назирбаеванын денесин таап, бүгүн айылында акыркы сапарга узатылды.

Айылда 29-апрелде саат 06:50 чамасында болжол менен 200 миң метр куб жер көчкү жүрүп, 7 турак үйдү жана 24 адамды басып калган. Анын ичинен 1 турак үйдө адам жашачу эмес. Алдын ала маалымат боюнча, көчкү баскан 24 адамдын ичинен тогузу жаш балдар.

Учурда 400гө жакын адамдын катышуусунда издөө-куткаруу иштери улантылып жатат. Жашоочулар үчүн ӨКМ тарабынан чатырлар орнотулган.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 20397
Көп окулду
×