Бөлүмдөр
Бейшемби, 22-август
Ош облусуӨзгөн району 10.01.2017 10:24 На русском

Өзгөндө 2 миңден ашык улакчы катышкан көк бөрүдө М.Ниязов 7 баш байгени утуп кетти

Turmush -  Өзгөн районунда 7-январда өткөн улак тартыш оюнунда көк бөрү боюнча улуттук курама команданын чабуулчусу Манас Ниязов 7 байгенин ээси болду.

Маалым болгондой, жеке ишкер Бакытбек Мамбетов 4 баласына 3 күндүк сүннөт той берген. Улак тартыш Өзгөн районунун Төрт-Көл айыл аймагына караштуу Ана-Кызыл айылындагы көлдүн боюнда өттү, деп билдирди той ээсинин агасы Курбанали Мамбетов. Байгеге «Жигули» унаасы, 9 төө, 3 тай, 9 торпок, 4 кой жана башка байгелер коюлган.

«Улак тартыш оюнуна өлкөнүн бардык аймагынан жана коңшу өлкөлөрдөн да улакчылар чакырылып, жалпы 2 миңден ашуун улакчылар катышты. Оюндун жыйынтыгында башкы байге болгон унааны Жалал-Абад облусунун Сузак районунун тургуну Бакыт улакчы утуп кетсе, 9 баш төөнүн жетөө 7 облустан келген аксакал улакчыларга белекке берилип, 2 төө байгеге коюлду. Ал 2 төөнү Өзгөн районунун Шоро-Башат айылынын тургуну Арыстан улакчы шериги менен утуп кетти.

Ал эми 3 тайды Манас Ниязов утту. Манас Ниязов ага кошо торпокторду да утуп, жалпы 7 байгени ээледи», - деди той өткөргөн ишкердин агасы К.Мамбетов.

Калган байгелерди башка облустардан келген улакчылар ээлешти.

М.Ниязов

Манас

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×