Бөлүмдөр
Бейшемби, 22-август
Ош облусуӨзгөн району 08.11.2016 13:25

Айыл турмушу: 2 баласы майып өзгөндүк тургунга турак жай куруп беришти (фото)

Turmush -  Эки майып баласы менен туруктуу жашаган үйү жок, көчүп-конуп жүргөн Өзгөн районундагы Куршаб айылынын тургуну Арстанбек Сыдыков жаңы конуштуу болду. Анын 6 баласы бар. Алардын экөө өз алдынча баса албайт.

Турак үй курууга ишкерлер көмөк көрсөткөн.

«Кудай буйруп, бул үй-бүлө үйлүү болду. Мындан ары алты балалуу үй-бүлө өзүнүн үйүндө жашашат. Алардын үйүнө 6 ай мурун биринчи жолу барганыбызда турмуш шарты оор абалда болчу. 2 майып баланы багуу чоң түйшүк.

Бизге жардам берген Эмил Түланбаев менен Карим Сурапбаевге чоң ыраазычылык билдиребиз. Алар үйдұн курулушуна 4 миң даана башкан кирпич берди. Ал эми, жер тилкени Куршаб айыл өкмөтү бөлдү», - деди үй курууну демилгелеп, каражат бергендердин бири Максатбек Абдижалилов.

Эки бөлмөлүү жаңы турак жайды курууга жалпы 300 миң сомго жакын акча сарпталган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×