Бөлүмдөр
Ишемби, 21-сентябрь
Ош облусуӨзгөн району 15.09.2016 12:29

Өзгөндө 17 жаштагы кызды мууздап өлтүргөн досторго карата өкүм чыкты (фото)

Turmush -  Өзгөн районунда 17 жаштагы кыздын өзүнүн бөлмөсүндө түн ичинде бычакталып өлтүрүлүшү боюнча кармалгандарга өкүм чыгарылды. Бул тууралуу Ош облустук сотунун басма сөз кызматынан кабарлашты.

Маалыматка караганда, Өзгөн райондук соту 10-августта кылмышка шектүү М.М.ны өмүр бою эркинен ажыратып, мүлкүн конфискациялады. Ошондой эле, ага жардам берди деп кармалган шериги М.Олимжанды 20 жылга эркинен ажыратты.

Бирок, айыпталуучу Олимжан апелляциялык арыз менен кайрылып, аны Ош облустук соту 21-сентябрда карай турган болду.

Райондук соттун өкүмү азырынча күчүнө кире элек.

Өлтүрүлгөн кыз

А 7

Окуя тууралуу:

Окуя ушул жылы 7-мартка караган түнү болуп, өлтүрүлгөн кыз менен кылмышкердин бири жакында эле үйлөнгөн кыз — эже-сиңдилердин балдары болуп чыкты. Шектүүлөрдүн экинчиси кызга кол салуу үчүн досуна жардам берген. Шектүү өлтүрүлгөн кыз анын жаңы үйлөнгөн аялынын кыз белгиси жок чыкты деген ушак тараткандыгы үчүн ушундай жолго барганын айткан.

Шектүү

А 1

Кылмышкерге жардам берген досу

А 27-март күнү саат 06:05 чамасында Өзгөн РИИБге Дөң-Булак айылындагы үйдөн 18-20 жаштардагы кыздын мууздалган денеси табылгандыгы жөнүндө маалымат түшкөн. Окуя болгон жерге барган ыкчам топ табылган дене Өзгөн районунун жашоочусу Т. кызы М. экендигин аныктаган.

ИИМдин Ош шаары менен Ош облусу боюнча башкы башкармалыгынын басма сөз кызматы билдиргендей, ыкчам иликтөөлөр менен бул окуяга шектүү 2 жигит кармалган. Алар Өзгөн шаарынын тургундары — 1994-жылы туулган тургуну Р. уулу А. жана 1992-жылы туулган тургуну М. уулу М.

Тергөө учурунда белгилүү болгондой, ошол күнү саат 02:00дөр чамасында М. уулу М. менен Р. уулу А. кыздын бөлмөсүнө терезе аркылуу кирип өлтүрүшкөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×