Бөлүмдөр
Бейшемби, 22-август
Ош облусуӨзгөн району 03.09.2016 13:00

Айыл турмушу: Өзгөндүк Д.Алымбаева 9 жыл мурда баспай калгандыктан кийим токуганды өздөштүргөн (фото)

Turmush -  Өзгөн районунун Чангет айылынын тургуну Динара Алымбаева, 9 жылдан бери жиптен балдардын түрдүү кийимдерин токуп, киреше табат. Аймактык кабарчы уз айымдан кабар алды.

Анын айтымында, 2007-жылы автокырсыктан улам, баспай калгандыктан, кийим токуунун сырын өздөштүргөн.

«9 жыл мурун автокырсыкка учурап, баса албай калдым. Жаштайыман чоң энемден, тигүүчүлүктүн сырын үйрөнгөм. Жүндөн шалча, килем сокчумун. 2007-жылы курбу кызыман кийим токуганды үйрөндүм. 2012-жылы Бишкекке келип, үйдөн жаш балдардын кийимин токуп сатып киреше таба баштадым», - деди ал.

Чебер айым жиптерди базардан өзү алып келет. «Кардарлардын табити ар кандай болот. Ошондон улам, жиптерди базарга өзүм барып тандап алам. Кардарларыма көңүлүндөгүдөй жасап берүү аракеттенем», - деди каарманым сөзүн улай.

Анын колунан жаралган буюмдарын тааныштары көп алышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×