Бөлүмдөр
Бейшемби, 22-август
Ош облусуӨзгөн району 29.01.2016 18:20

Айыл турмушу: Россиялык сайттардын жылдызы болгон учурдагы жана келечектеги чемпион бир туугандар Өзгөндөгү спорт залда машыгат (фото, видео)

Turmush -  Өзгөн районунун Прогресс айылынын тургуну Бактыбек Атаканов 3 уулун өзү түптөгөн спорт залда машыктырат. Ал уулдарын келечекте дүйнө чемпиондору болсо деп тилейт.

Turmush басылмасынын аймактык кабарчысы менен маек курган Бактыбек Атаканов балдарынын ийгиликтерин айтып берди. Ал учурда 20дан ашуун балдарды машыктыруу менен алек. Өзү түптөгөн залдан келечекте мыкты спортчулар чыгат деп үмүт кылат.

«Айылдагы жаштарды спортко үндөө максатында атайын зал ачкам. Ал залга туң уулум Арлеттин ысымын ыйгаргам. Учурда ал залда 20дан ашуун бала кикбоксинг боюнча машыгышат. Бул залдан келечекте дүйнө чемпиондору, мыкты спортчулар чыгат деген ишеничте турам. Спорт залда 2 машыктыруучу бар», - деди Атаканов.

Социалдык тармактарда кызуу талкуу жаратып, элдин таң калтырган жаш балдар казакстандык мушкерлер деп тарап кеткен. Эл ичине тараган видеодогу жаш спортчулар учурда Өзгөндүн Прогресс айылында жашайт.

Аларды атасы Бакытбек Атаканов 3-4 жашынан тартып машыктырып баштаган. «Балдарым спортко жакын болушу үчүн 3-4 жашынан баштап машыктара баштадым. Аракетине жараша чеберчиликтерди үйрөнө беришет. Балдарыма жакшы шарт түзүп берүү максатында спорт зал ачкам. Ал жердеги машыгып жаткан балдар акысыз машыгышат», - деди ал.

Спортчулардын улуусу Арлет учурда 15 жашта. Кикбоксинг боюнча кыргызстандын 4 жолку, Азиянын 1 жолку чемпиону болгон. 8 жаштагы Элбурс учурда кикбоксинг боюнча клубдар арасындагы мелдештерде алдыңкы орундарды ээлеп келет.

Анын 50гө чукул меделдары бар жана алардын көпчүлүгү биринчи орунду ээлегендиги үчүн берилген. Ал эми келечекте дүйнө чемпиону болом деген Азирет учурда 6 жашта. Ал Ош облусунда өткөн мелдештерге катышып ийгиликтерге жете баштаган. Жаш спортчуларды чет өлкөлөрдөгү мелдештерге чакырган учурлар дагы бар.

Алар Өзбекстан, Казакстан сыяктуу өлкөлөргө чыгып, ийгиликтүү кайтып келишкен. Бакытбек Атаканов учурда 39 жашта. Буга чейин музыка тармагында эмгектенип, 200дөн ашуун ырга обон жараткан. 4 уул 1 кыздын атасы.

Видео:

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×