Бөлүмдөр
Дүйшөмбү, 26-август
Ош облусуӨзгөн району 04.12.2015 18:19

Өзгөндө таанымал обончу Мамат Оморовдун 80 жылдыгы белгиленди

Turmush -  Ош облусунун Өзгөн районунун Мырзаке айылында бүгүн, 4-декабрда таанымал обончу, аккордеончу, маданиятка эмгек сиңирген ишмер Мамат Оморовдун 80 жылдык мааракеси белгиленди. Бул тууралуу өкмөттүн Ош облусундагы өкүлчүлүгүнүн басма сөз кызматы билдирди.

Мамат Оморовдун жаркын элесин эскерүү иш-чарасына карата буга чейин облус боюнча сынак жарыяланган. Бүгүн 6 райондун мыктылары М.Оморовдун обонуна таандык ырларды аткарып беришти.

Жыйынтыгында 1-орунга 30 миң сом, 2-орунга 15 миң сом, 3-орунга 10 миң сом берилди. Мындан сырткары ар кандай номинациялар дагы ыйгарылып, катышуучуларга баалуу белектер тапшырылды.

Мамат Оморов 1935-жылы Өзгөндүн Мырзаке айыл аймагындагы Кандаба айылында жарык дүйнөгө келген. Ал 45 жаш курагында дүйнөдөн кайткан. Анан аты 1995-жылы Мырзаке айылындагы маданият үйүнө ыйгарылган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×