Бөлүмдөр
Бейшемби, 22-август
Ош облусуӨзгөн району 18.09.2015 13:05

Өзгөн районундагы А.Маматов мектебинин курулушуна 56 млн сом каралды

Turmush -  Өзгөн районунун Алтын-Булак айыл өкмөтүндөгү А.Маматов атындагы орто мектебинин курулуш иштери башталды. Бул тууралуу аталган айыл өкмөттүн башчысы Кеңешбай Бакеев аймактык кабарчыга билдирди.

Аталган мектеп СССР убагында курулгандыктан имараты эскирип, коопсуздук жаратып келген. 

«Быйылкы жылы жаңы мектеп курууга мамлекеттик бюджеттин эсебинен 56 млн сом каралган. Анын ичинен 5 млн сом берилип, пайдубалы курулууда. Мектеп 230 орундуу болуп курулуп, кийинки жылдагы жаңы окуу жылына толугу менен бүткөрүлөт», - деди К.Бакеев.

Эски мектептин имараты учурда талапка жооп берет, Өзгөчө кырдаалдар министрлиги тарабынан балдарды окутууга уруксат берилген, деп кошумчалады.  

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×