Бөлүмдөр
Бейшемби, 22-август
Ош облусуӨзгөн району 11.08.2015 18:47

Өзгөндүк спортчулар Индияда өткөн мелдеште алдыңкы орундарды ээлешти (фото)

Turmush -  Индиянын Пуна шаарында өткөн кикбокс боюнча Азия чемпионатында Өзгөн шаарынын барган 4 жаш спортчу ийгиликке жетишти. Бул тууралуу Өзгөн шаарындагы кикбокс боюнча машыктыруучу Абиджон Алимов Turmush басылмасынын кабарчысына билдирди.

«Аталган чемпионат 1-августтан 9-августка чейин Индиянын Пуна шаарында өткөрүлдү. Жалпысынан 15ке жакын мамлекеттен 200дөн ашуун спортчу катышып, 51 кг салмактык категориясынан 91 кг чейинки салмактагы 18 жаштан жогорку спортчулар катышты. Бул чемпионатка Өзгөн шаарынан  4 спортчуну алып барганбыз. Алар жогорку даражада оюн көргөзүп, салмагы 67 кг келген Кутлугбек Абиджан уулу жана 51 кг салмагындагы Рахимжон Саидислам уулу аттуу эки оюнчубуз 2-орунду ээледи. Дагы эки жаш спортчубуз 54 кг салмагындагы  Гайбулло Мамадалиев менен 63,5 кг салмактагы Фазилжан уулу Икбол 1-орунду багынтышты», - деп билдирди А.Алимов.

Спортчуларды бүгүн, 11-августта Өзгөн шаарында салтанаттуу тосуп алышты. Шаардын мэри Нодирбек Каримов менен Өзгөн шаардык кеңештин төрагасы Абдулфатах Насиров жаш спортчуларды ийгиликтүү кайткандыктары менен  куттуктап, баалуу белектерди тапшырды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×